TOShKENT, 12 dek — Sputnik. "Aeroflot" aviakompaniyasining Toshkent – Moskva yo‘nalishi bo‘yicha bugun parvozi qoldirilgan samolyoti yo‘lovchilari 13-dekabr soat 05:05da boshqa samolyotda uchib ketishadi, deb ma’lum qildi Toshkent aeroporti ma’lumotxonasi.
Eslatib o‘tamiz, Toshkent – Moskva yo‘nalishi bo‘yicha soat 05:30da havoga ko‘tarilgan A320 layneri oradan o‘n daqiqa o‘tib poytaxt aeroportiga qaytib qo‘ngan.
Yo‘lovchilar samolyotni xavfsiz ravishda tark etishdi.
Parvoz nima uchun qoldirilganining aniq sabablari aytilmayapti.
