TOShKENT, 5 dek — Sputnik. Ushbu yilgi Halqa yo‘l avtopoygasi bo‘yicha O‘zbekiston chempionatining oxirgi poygasi Toshkentda bo‘lib o‘tdi, deb xabar qilmoqda nuz.uz.
Chempionat O‘zbekiston Mudofaa vazirligi huzuridagi "Vatanparvar" tashkiloti va O‘zbekiston Milliy avtomobil federatsiyasi tomonidan tashkil qilindi.
Halqa yo‘l avtopoygasi bo‘yicha O‘zbekiston chempionati avtomobillar turiga qarab, uch klassga bo‘lindi:
I klass — GM-Uzbekiston avtomobillari — Nexia standart ko‘rinishda
II klass — dvigatel hajmi 1600 kub.sm. bo‘lgan avtomobillar
III klass — dvigatel hajmi 2000 kub.sm. bo‘lgan avtomobillar
Final poygasi natijalariga ko‘ra, I klass, ya’ni standart ko‘rinishdagi Neksiya avtomobillari poygasida 3 o‘rinni — Adilov Bekzod, 2 — o‘rinni Ergashev Anvar va 1 o‘rinni — Atamatov Jasurbek egallagan.
