TOShKENT, 4 dek — Sputnik. "Adolat" partiyasidan O‘zbekiston Prezidentligiga nomzodi ko‘rsatilgan Narimon Umarov saylovda ovoz berdi, deb xabar bermoqda RIA Novosti muxbiri.
U yashash joyida joylashgan 550-saylov uchastkasida ovoz berishda qatnashdi. Ovoz berib bo‘lganidan so‘ng Umarov barcha jurnalistlarga "ishtirok etganlari hamda katta qiziqish bildirganlari" uchun minnatdorlik bildirdi.
Ma’lumotlarga ko‘ra, saylovda 21,4 million saylovchi ovoz berish huquqiga ega. Ovoz berish ertalab soat 6.00da boshlandi va soat 20.00gacha davom etadi. Saylovchilarning 33%i ovoz berganida saylov bo‘lib o‘tgan hisoblanadi. Saylov natijalari dushanba kuni ertalab e’lon qilinishi rejalashtirilgan.
Ikkinchi sentabr kuni O‘zbekistonning Birinchi Prezidenti Islom Karimov 78 yoshida vafot etdi. Mamlakat Prezidenti vazifasini bajarish Bosh vazir Shavkat Mirziyoyevga topshirildi.
Saylovda O‘zLiDeP partiyasidan Shavkat Mirziyoyev, O‘zXDP partiyasidan Hatamjon Ketmonov, "Milliy tiklanish" partiyasidan Sarvar Otamuratov va "Adolat" partiyasidan Narimon Umarovlar o‘z nomzodlari bilan ishtirok etishmoqda.
