O‘zbekistonda birinchi marta jimlik kuni e’lon qilindi

© Sputnik / StringerO‘zbekiston bayroqlari
O‘zbekiston bayroqlari - Sputnik O‘zbekiston
Obuna bo‘lish
O‘zbekistonda prezident saylovidan oldin ilk marotaba jimlik kuni o‘tkazilmoqda - Saylov to‘g‘risidagi qonunga tegishli tuzatishlar 2015-yilda kiritilgan bo‘lib, bunda har qanday tashviqot faoliyatini olib borish qat’iy ta’qiqlangan

TOShKENT, 3 dek — Sputnik. O‘zbekistonda jimlik kuni e’lon qilindi — bu prezident saylovidan bir kun oldin o‘tkaziladigan kundir.

Jurnalistlar - Sputnik O‘zbekiston
Dastlabki saylov natijalari 5-dekabr kuni e’lon qilinadi
Bu kunda olib borilgan har qanday tashviqot faoliyati noqonuniy hisoblanadi. Hech bir nomzod o‘z manfaati yo‘lida bu kunda tashviqot ishlarini olib borishi mumkin emas. Aks holda, bu harakatlar jiddiy oqibatlarga olib kelishi mumkin.

Tashviqotning har qanday turi ta’qiq ostiga olingan: jimlik kunida televidenie orqali saylovoldi roliklari namoyish etilmaydi, gazeta va varaqalar tarqatilmaydi, saylovchilar bilan uchrashuvlar yoki nomzodlar o‘rtasida debatlar o‘tkazilmaydi. Jimlik kuni to‘g‘risidagi nizomni buzganlik uchun eng kam ish haqining 7dan 10 baravarigacha jarima belgilangan.

Jimlik kuni har bir saylovchini psixologik bosimdan ozod etish va saylash erkinligini ta’minlash uchun o‘tkaziladi.

Saylov kuni Toshkentda jamoat transportlari bepul xizmat ko‘rsatadi, shuningdek, saylov uchaskasiga qadar taksi xizmatidan foydalangan holda ham bepul yetib olish mumkin.

Talabalar saylov munosabati bilan 1-5 dekabr sanalarida ta’tilga yuborildi.

O‘zbekistonda bo‘lib o‘tayotgan prezident saylovlarini 80 ming nafar mahalliy va 600ga yaqin xalqaro kuzatuvchilar kuzatadilar.

O‘zbekistondagi prezident saylovlari turli mamlakatlardan tashrif buyurgan 1,3 ming nafar jurnalistlar tomonidan yoritiladi.

Ovoz berish bulletenlari - Sputnik O‘zbekiston
"Jimlik kuni" yakuniy qarorga kelish imkoniyatini beradi
Respublika MSKga ko‘ra, mamlakatdagi barcha saylovchilarga o‘z fuqarolik huquqlaridan foydalanishlari uchun teng imkoniyat va sharoitlar barpo etish maqsadida katta hajmdagi ishlar amalga oshirilgan. Xususan, imkoniyati cheklanganlar, nogironlar uchun maxsus choralar belgilangan. Ko‘zi ojiz saylovchilar uchun birinchi marta Brayl alifbosida saylov bulletenlari nashr qilingan. Har bir saylov uchastkasida nogironlar aravachasiga mo‘ljallangan alohida o‘rin ajratilgan.

Saylov kuni bemorligi sababli, uchastkaga bora olmaydiganlar uchun navbatchi guruhlar tashkil etilgan. Bunda bemor saylovchi o‘zi biriktirilgan saylov uchastkasiga qo‘ng‘iroq qilishi kifoya. Uning manzili bo‘yicha maxsus quti hamda ovoz berish bulleteni olib kelinadi.

Bundan tashqari, tonggi soat 6:00dan kechki 20:00gacha ochiq bo‘ladigan saylov uchastkalarida 18 yosh va undan katta bo‘lgan har bir saylovchining ismi-sharifi raqamlangan holda kiritilgan.

MSK ovoz berish uchun belgilangan muddat yakunlangach, bulletenlarni sanash ishlarini yo‘lga qo‘yadi. Ovoz natijalari qo‘lda, birma-bir sanab chiqiladi. Buning uchun Komissiyaga 10 kun ajratiladi. Mamlakat saylov qonunchiligiga ko‘ra, ekzitpollar o‘tkazilmaydi.

Saylov natijalari rasman e’lon qilingach, 2 oy ichida yangi prezident qasamod qiladi. Davlat rahbari har biri 5-yil muddatdan ikki marotabadan ortiq saylana olmaydi.

Yangiliklar lentasi
0