TOShKENT, 21 noya — Sputnik. Dushanba kuni ertalab soat 9larda Toshkentda jiddiy YTH yuz berdi – yo‘lovchi marshruti yo‘ldan chiqib ketdi. Hodisa suratlari ijtimoiy tarmoqlarga joylandi, deb xabar bermoqda "Novosti Uzbekistana".
Mazkur voqea S-5 mavzesidagi "Sentral" kafesi ro‘parasida sodir bo‘ldi.
Guvohlarning so‘zlariga ko‘ra, "Gazel" rusumli marshrut taksi sirpanchiq yo‘lda surilib ketgan va yo‘ldan chiqib ketgan.
Toshkentda marshrutka yo‘ldan chiqib ketdi
© Facebook
Hodisa joyiga YHXB xodimlari va tez tibbiy yordam mashinasi yetib kelgan. Dastlabki ma’lumotlarga qaraganda, yo‘lovchilardan hech kim jiddiy zarar ko‘rmagan.
Haydovchilarning aytishlaricha, shaharning markaziy ko‘chalarida muzlama yo‘q – tunda yo‘llarga qum va tuz sepilgan. Biroq ayrim ko‘chalarda muzlamaga duch kelish mumkin.
