TOShKENT, 9 noya — Sputnik. Amerikaning eng "muhim" shtatlardidagi saylovchilar Tramp uchun ovoz berishdi, deb xabar qilmoqda RIA Novosti. Hatto, demokratlar partiyasidan AQSh prezidentligiga nomzod Xillari Klinton Trampga qo‘ng‘iroq qilib, o‘z mag‘lubiyatini tan olgan holda, raqibini g‘alaba bilan tabriklagan.
Internet olamida so‘nggi daqiqalarda omma e’tiboriga havola qilinayotgan shingil yangiliklarni va mashhurlar tabriklarini keltirib o‘tamiz.
Xillarining tarafdorlari yum-yum yig‘lashmoqda
Demak, ayni vaqtda Xillari Klintonning tarafdorlari uning Nyu-Yorkdagi shtab-kvartirasini ko‘zda yosh bilan tark etishmoqda. "Ular tund kayfiyatda, ko‘zlarida esa yosh qalqmoqda. Klintonning o‘zi esa bugun saylovchilar oldida chiqish qilmasligini ma’lum qildi. Hozirgacha olingan ma’lumotlarga ko‘ra, saylovlarda respublikachi Donald Tramp g‘olib chiqishi ehtimoli ancha yuqori".
"Kampir Xillari dam olsin"
Rossiyaning LDPR partiyasi yetakchisi Vladimir Jirinovskiy esa "Kampir Xillari endi dam olsin", — deya ta’kidlamoqda.
"AQSh prezidentlik saylovlarida eng yaxshi nomzod g‘olib chiqmoqda: u Rossiyani urush ochish bilan qo‘rqitgani yo‘q, axir amerikaliklar ham tinch-osuda hayotni xohlaydi", — deya ta’kidlagan Jirinovskiy.
Tramp — sensatsiya-odam
Xo‘sh, milliarderning o‘zi o‘z g‘alabasi haqida nima deydi?
"Ehtimol, keyinchalik odamlar bularning barchasi bekorga bo‘lmaganini tushunib yetar. Ehtimol, to‘rt yoinki sakkiz yildan keyin "Ha, o‘shanda to‘g‘ri qaror qabul qilingan ekan", dersiz"…
Riga esa ShOKda!
Latviya TIV sobiq rahbari Trampning AQSh prezidentligiga saylovlarda g‘alaba qozonganidan hamon hayratdaligini yashirmadi.
"Olamshumul xabar. Lekin tan olishdan o‘zga choramiz yo‘q. Bu ko‘plab moliyaviy sektorlar, aksariyat davlatlar, shu jumladan Latviya uchun ham kutilmagan, hayratomuz xabar bo‘ldi. Bir necha oy ichida Trampning rahbarlik uslubini tushunib yetishimiz kerak bo‘ladi. Hozircha bu savolimizga aniq javob yo‘q, voqea qanday rivoj topishini kutamiz", — deb aytmoqda Latviya TIV sobiq rahbari Artis Pabriks.
Nima uchun Tramp?
TOVV (Anqara) universiteti rektori Togrul Ismoil nima uchun Xillari Klinton emas, balki Donald Tramp g‘alaba qozonganiga izoh berdi.
"ObamaAQSh ichki va tashqi siyosatida bir qator muammolarni yuzaga keltirdi va ularga yechim topa olmadi. Xillari Klinton esa birorta yangi narsa taklif etmadi. Shu bois ham, o‘zgarishlarni qumsab qolgan Amerika xalqi Trampni sayladi", — dedi u.
