TOShKENT, 15 okt — Sputnik. O‘zbekiston Respublikasi Prezidenti vazifasini bajaruvchi Shavkat Mirziyoyev Tailand Qirolichasi Momrachavongsa Sirikat Kitiyakaraga ta’ziya izhor etilgan maktub yo‘lladi, deya xabar qilmoqda O‘zbekiston TIV matbuot xizmati.
Yo‘llangan maktubda Shavkat Mirziyoyev atoqli davlat arbobi, millat rahbari Tailand Qiroli Pumipon Adulyadet vafoti munosabati bilan hamdardlik izhor qilgan. U qirollik oilasi va butun Tailand xalqiga samimiy hamdardlik so‘zlarini bildirgan.
Eslatib o‘tamiz, Tailand qiroli Pxumipxon Adulyadet (Rama to‘qqizinchi) 89 yoshida Bankokdagi Sirirat kasalxonasida chorshanba kuni olamdan ko‘z yumgan edi.
1946 yildan buyon Tailandni boshqarib kelgan qirol Pxumipxon Adulyadet taxtda eng uzoq o‘tirgan monarx hisoblanadi.
