Sergeli metrosining qurilishi joriy yildan boshlanadi

© Facebook / Voditeli TashkentaToshkent metrosining yangilangan poyezdi
Toshkent metrosining yangilangan poyezdi - Sputnik O‘zbekiston
Obuna bo‘lish
Xabarlarga ko‘ra, Toshkent metropoliteni yer usti yo‘li davomiyligi 8 kilometrni tashkil etadi. Metroning yangi liniyasi Chilonzor stansiyasining so‘nggi bekati bo‘lmish "Olmazor"dan "Sputnik" massivigacha davom etadi

TOShKENT, 5 okt — Sputnik. Toshkent shahri Sergeli tumanida metropoliten qurilishi joriy yildan boshlanadi, deb xabar qilgan tuman ma’muriyati rahbari Furqat Maqsudxo‘jayev bugun o‘tkazilgan matbuot-anjumani davomida.

Maqsudxo‘jayevning so‘zlariga ko‘ra, metropolitenning yangi yo‘li to‘liq yer ustida joylashgan bo‘lib, uning davomiyligi 8 kilometrni tashkil qiladi. Va u Chilonzor stansiyasining so‘nggi bekati bo‘lmish "Olmazor"dan "Sputnik" massivigacha davom etadi.

"Jami oltita stansiya bunyod etiladi. Oldindan qilingan hisob-kitoblarga ko‘ra, bu loyihani hayotga tatbiq etish uchun 4-yil vaqt kerak bo‘ladi", — deb ta’kidlagan u.

Toshkent metrosining yangi loyihalariga oid surat - Sputnik O‘zbekiston
Internetda Toshkent metrosining yangi loyihalariga oid suratlar paydo bo‘ldi
Eslatib o‘tamiz, ilgariroq ijtimoiy tarmoqlarda Toshkent metropolitenining kengaytirilgan loyihasi suratlari paydo bo‘lgan edi. Unda Toshkent metrosining mavjud, qurilayotgan va qurilishi hali boshlanmagan barcha yo‘llari keng xaritasi tasvirlangan. Xaritaga ko‘ra, "Chilonzor" yo‘li janubiy yo‘nalishda "Sergeli" yo‘li bilan tutashadi, shimoliy yo‘nalishda esa, "Buyuk Ipak yo‘li" bekatidan so‘ng, Traktor zavodiga tomon kamida yana uchta bekat bilan to‘ldiriladi.

Loyihaga ko‘ra metropolitenning "Sergeli" yo‘li jami 12 bekatdan iborat bo‘ladi va ularning faqat 4 tasi (loyihaviy nomlari — "Choshtepa", "O‘zgarish", "Do‘stlik", "Sergeli") shaharning Sergeli tumanidan o‘tadi, qolgani esa Toshkent halqa avtomobil yo‘li bo‘ylab, Chilonzor buyum bozori, O‘rikzor bozori, Ibn Sino, Jarariq mavzelari orqali yangi ToshMIga yetib boradi.

Yangiliklar lentasi
0