TOShKENT, 5 okt — Sputnik. Qirg‘iziston prezidenti Almazbek Atambayev 5ta qaror imzoladi. Ulardan to‘rttasi Qirg‘iziston fuqaroligiga qabul qilish haqida, bittasi fuqarolikdan chiqarish haqida, deb xabar qilmoqda Sputnik Qirg‘iziston.
Dastlabki imzolangan to‘rt qaror natijasida 668 kishi Qirg‘iziston fuqaroligiga ega bo‘lishdi.Ularnig asosiy qismini, sobiq O‘zbekiston va Tojikiston hududida yashagan etnik qirg‘izlar tashkil qiladi. Ular o‘z tarixiy vatanlariga qaytishdi.
Qirg‘iziston yangi fuqarolari orasida Ukraina va Xitoy fuqarolari ham bor.
Prezidentning beshinchi qaroriga binoan 144 kishi Qirg‘iziston fuqaroligidan chiqarilgan.
