TOShKENT, 1 okt — Sputnik. 1 oktabr kuni O‘zbekiston Tashqi ishlar vazirligi rasmiy saytida vazir o‘rinbosari tayinlangani haqida xabar paydo bo‘ldi.
"2016-yilning 1-oktabr kuni O‘zbekiston Respublikasi Tashqi ishlar vazirligi Kollegiyasiga vazir o‘rinbosari etib tayinlangan Abdurahim Xodjayev tanishtirildi", — deyiladi xabarda.
Qo‘shimcha ma’lumotlar hozircha berilmagan.
Eslatib o‘tamiz, Abdurahim Xodjayev 2004-yilning iyun oyidan 2015-yilning mart oyiga qadar tashqi ishlar vazirining kadr masalasi bo‘yicha o‘rinbosari sifatida faoliyat yuritgan.
