TOShKENT, 29 sen — Sputnik. Toshkent shahar yo‘lovchi tashish transportida aholiga va shahar mehmonlariga qulaylik yaratish hamda transport xarajatlarini iqtisod qilish, yer usti va yer osti jamoat transportlarini uzviy bog‘lash maqsadida 2016-yil 1-oktabrdan yangi oylik yo‘l chiptalari joriy etiladi. Bu haqda "Toshshahartransxizmat" AJ saytida xabar berilmoqda.
Ma’lum qilinishicha, hozirda amalda bo‘lgan oylik yo‘l chiptalari:
— N (nafaqador va nogironlar uchun – avtobus) — 60 000 so‘m
— T (talabalar uchun – avtobus) — 60 000 so‘m
— O’ (o‘quvchilar uchun – avtobus) — 60 000 so‘m
— AV (umumiy aholi uchun – avtobus) — 120 000 so‘m
seriyalariga qo‘shimcha ravishda avtobuslar va metroda foydalanish uchun:
— NM (nafaqador va nogironlar uchun – avtobus va metro) — 83 000 so‘m
— TM (talabalar uchun – avtobus va metro) — 83 000 so‘m
— O’M (o‘quvchilar uchun – avtobus va metro) — 83 000 so‘m
— AVM (umumiy aholi uchun – avtobus) — 166 000 so‘m
oylik yo‘l chiptalari joriy etildi.
Yangi turdagi oylik yo‘l chiptalari 29-sentabrdan sotuvga chiqarildi.
