TOShKENT, 21 sen — Sputnik. O‘zbekiston Respublikasi Prezidenti vazifasini bajaruvchi Shavkat Mirziyoyev shahar hokimligi va tumanlar rahbariyati zimmasiga kuzgi-qishki mavsumga har tomonlama puxta tayyorgarlik ko‘rish vazifasini yukladi, Toshkent shahar hokimiyati matbuot xizmatiga asosan.
Shavkat Mirziyoyev Toshkent shahrining bir qator tumanlarida bo‘lib, bunyodkorlik va obodonlashtirish ishlari, aholi mavzelari, ko‘p qavatli uy-joylar va ijtimoiy soha obyektlarini kuzgi-qishki mavsumga tayyorlash ishlarining holati bilan bevosita tanishdi.
Toshkent shahar hokimligi va tumanlar rahbariyati zimmasiga kuzgi-qishki mavsumga har tomonlama puxta tayyorgarlik ko‘rish, aholi uchun yanada qulay shart-sharoitlar yaratish, bunyodkorlik va obodonlashtirish ishlari bo‘yicha belgilangan dasturlarni o‘z vaqtida va sifatli tarzda amalga oshirish vazifasi yuklatildi.
