TOShKENT, 13 sen – Sputnik. O‘zbekiston gidrometeorologiya markazining xabariga qaraganda, 14-sentabr kuni respublika hududida yog‘ingarchilik kutilmaydi.
Markazning xabar berishicha, 14-sentabrga o‘tar kechasi O‘zbekistonning tog‘li hududlarida havo harorati +6…+11 daraja, Qoraqalpog‘iston Respublikasi, Xorazm viloyati va Toshkent shahrida +15 darajagacha, qolgan hududlarda +18 darajagacha iliq bo‘ladi.
Chorshanba kuni kunduzi mamlakatning tog‘li joylarida havo harorati +16…+21 daraja iliq, Qoraqalpog‘iston Respublikasi, Xorazm, Andijon, Namangan va Farg‘ona viloyatlarida +27…+32 daraja, qolgan hududlarda, xususan, Toshkent shahrida +30 darajagacha issiq bo‘ladi.
