TOShKENT, 12 sen — Sputnik. Braziliyada bo‘lib o‘tayotgan paralimpiya o‘yinlarining to‘rtinchi kunida O‘zbekiston jamoasi yana ikki oltin medal yutib oldi, deb xabar qilmoqda Respublika Milliy Paralimpiya assotsiatsiyasi.
Musobaqaning to‘rtinchi kuni jamoa suzuvchilari ikki oltin medal sohibi bo‘lishdi. Firdavs Musabekov 100m ga suzish bo‘yicha eng yaxshi natija ko‘rsatdi. Ushbu masofaga suzish bo‘yicha ayollar orasida Fotimaxon Amilova ham o‘z toifasida nafaqat oltin medal sohibi, balkim yangi jahon rekordi o‘rnatish imkoniga ega bo‘ldi.
Bugungi kun hisobida O‘zbekiston paralimpiya jamoasi hamonida jami 21 medal to‘plangan. Ulardan 6 oltin, 4 kumush va 11 bronza medallar. Jami 32 sportchidan iborat jamoa uchun ushbu ko‘rsatkich juda yaxshi. Paralimpiya o‘yinlari 18 sentabrga qadar davom etadi.
