TOShKENT, 1 sen – Sputnik. O‘zbekiston Prezidenti Islom Karimovning shifoxonaga tushib qolishi butun o‘zbek xalqini tashvishga, hayajonga soldi desak mubolag‘a bo‘lmasa kerak.
Prezidentning betobligi haqida xabar e’lon qilinganidanoq Yurtboshimizning tezroq tuzalib ketishini tilab ko‘plab fuqarolar o‘z maktublarini, tilaklarini ijtimoiy tarmoqlarda chop etishdi, ana shunday tilaklar bitilgan maktublarni Sputnik O‘zbekiston tahririyatiga ham yo‘llashdi.
Ijtimoiy tarmoqlarda o‘zbekistonlik mashhur san’atkorlar, sportchilar ham Prezidentni qo‘llab-quvvatlab o‘z dil izhorlarini bayon etishdi.
Karimovning qizi Lola Karimova-Tillyayeva otasini qo‘llab-quvvatlagan barchaga o‘z minnatdorligini bildirdi.
Bugun internetda o‘zbekistonlik taniqli san’atkor, aktor va qiziqchi Mirzabek Xolmedovning Prezident Islom Karimovga shifo tilab so‘ragan duosi tasvirlangan video tarqaldi. Ushbu videoni quyida ko‘rishingiz mumkin.
