TOShKENT, 30 avg — Sputnik. 30-avgust kuni Euronews telekanalida “O‘zbekistondan maktublar” deb nomlangan ko‘rsatuvning birinchi qismi efirga uzatiladi, deb xabar beradi "O‘zbekturizm" matbuot xizmati. Ko‘rsatuv Toshkent vaqti bilan soat 16:20, 22:49 va 00:54 da namoyish qilinadi.
Eslatib o‘tamiz, shu yilning avgustidan 2017-yilning martiga qadar Euronews telekanalida O‘zbekistonning turizm salohiyati haqida ko‘rsatuvlar efirga uzatiladi.
Kanal orqali mamlakatdagi tarixiy-madaniy yodgorliklar haqidagi o‘n sakkizta ko‘rsatuv namoyish etiladi.
