TOShKENT, 4 avg — Sputnik. Dizaynerlar g‘oyasiga ko‘ra, terminal yuqoridan Xumo qushining yoyilgan qanotlarini eslatadi. Terminal 36 ta samolyotga mo‘ljallangan perron va 1700 mashinaga mo‘ljallangan avtoturargohni o‘z ichiga oladi va soatiga 1500 kishiga xizmat ko‘rsata oladi., deb xabar qilmoqda Nuz.uz.
Xabarda ma’lum qilinishicha, yangi terminal 3-yil ichida, ya’ni 2019-yil oxirigacha qurib bitkaziladi. Loyiha qiymati 336,443 mln dollarni tashkil qiladi.
"Shu munosabat bilan tashkil etilgan anjumanda, O‘zbekiston bosh vaziri o‘rinbosari Botir Zokirov, Janubiy Koreyaning O‘zbekistondagi elchisi Kvon Yon U, KOICA va ushbu loyihaga jalb etilgan Koreya kompaniyalari konsorsiumi vakillari, shuningdek, "O‘zbekiston havo yo‘llari" milliy aviakompaniyasi rahbariyati va mutaxassislari hamda boshqa manfaatdor vazirlik va idoralarning vakillari qatnashdi", — deyiladi xabarda.
O‘zbekiston hukumati rejasiga ko‘ra, yangi Toshkent-4 aeroporti eskirgan Toshkent-2 aeroportini almashtirishi va Markaziy Osiyodagi bog‘lovchi aeroportga aylanishi kerak.Maydoni 86,94 ming kvadrat metrlik terminal foydalanishga kiritilgandan keyin har yili 5,7 mln yo‘lovchiga xizmat qila oladi.
Loyihaning bosh menejeri Kim Dong Chel (Inchxon aeroporti) loyihani taqdim qila turib, loyihachilar dunyoda eng yaxshi aeroportlardan biri deb hisoblanuvchi Inchxon aeroportini qurish va boshqarishda olingan tajribadan foydalangan holda O‘zbekiston huumati talablariga javob beruvchi optimal rejani tuzish va natijalarga erishish uchun barcha sa’y-harakatlarni amalga oshirganlarini ta’kidlab o‘tdi.
