TOShKENT, 30-iyul — Sputnik. Beeline va Ucell kompaniyalari rasmiy saytida bu haqdagi ogohlantirish 29-iyul kuni joylashtirilgan.
"Profilaktik ishlar o‘tkazilishi munosabati bilan 2016-yil 1-avgust kuni soat 8:30dan 13:30ga qadar SMS, MMS va Internet xizmatlari vaqtincha taqdim etilmaydi", — deya xabar qilingan beeline saytida.
Sal keyinroq xuddi shu mazmundagi xabarnomalar boshqa operatorlar tomonidan ham yuborilishi mumkinligi aytilmoqda.
Eslatib o‘tamiz, 1-avgust kuni O‘zbekistonning barcha OTMlariga kirish uchun test imtihonlari bo‘lib o‘tadi.
Shu munosabat bilan Toshkent shahrining ayrim ko‘chalarida harakat cheklanadi. Avtobuslar va metropoliten esa tonggi 4:30dan ish boshlaydi.
