Sharqning eng maftunkor ayollari

Nozik did sohibasi Lola Karimova-Tillayeva - O‘zbekistonning YuNESKOdagi doimiy vakili, diplomat. "Sen yolg‘iz emassan” xayriya jamg‘armasi raisi, O‘zbekiston gimnastika federatsiyasining prezidenti.
So‘nggi yillarda O‘zbekistonda “Sen yolg‘iz emassan” xayriya jamg‘armasi tomonidan amalga oshirilayotgan ishlar alohida e’tiborga molikdir.

Iordaniya qirolichasi, qirol Abdulla IIning rafiqasi Raniya al-Abdulla. Iordaniya qirolichasi Raniya - oddiy shifokor oilasida dunyoga kelgan. "Men oddiy ishlar bilan shug‘ullangan oilada tavallud topganman. Oilamiz bilan jamiyatning turli qatlamiga mansub odamlar bilan do‘stona aloqa o‘rnatgan edik. Buning uchun Yaratganga shukronalar aytaman. Ota-onamiz men, singlim va ukamga yoshligimizdan omad kaliti - mehnatda, deb uqdirib kelishgan", - deb esga olgan edi qirolicha o‘zining bir intervyusida.
Iordaniya qirolichasi Raniya – hamma narsaga ulguradigan zamonaviy arab ayollarining yorqin timsolidir. U to‘rt farzandning onasi bo‘lishiga qaramay, xayriya ishlarida faol ishtirok etadi, shu bilan birga modalar olamining ham qirolichasi sanaladi. Dunyoning birorta malikasi Raniya kabi mashhurlikka va xalq muhabbatiga sazovor bo‘lmagan. Uning nozik didini yuqori baholagan Britaniyaning Hello jurnali unga “Dunyoning eng bashang malikasi” deb nom berdi. Italiya modasi zabardast vakillaridan biri bo‘lmish Jorjo Armani Raniyani ijodining ilhom parisi deb atadi. Raniya al-Abdulla 29 yoshga to‘lganda uning turmush o‘rtog‘i Abdulla II taxtga o‘tirgach, qirolicha deb tan olindi. U dunyodagi zamonaviy malikalar orasida eng yoshi hisoblanadi.

Shayx Moza bint Nosir al-Misned hazrati oliyalari Qatar amirining sobiq ikkinchi turmush o‘rtog‘i, yetti nafar farzandning onasi, davlat va jamiyat arbobi, YuNESKO elchisi va modalar yaratuvchisi hisoblanadi. Bu ayol haqiqatda o‘zal va omadi chopgan ayol timsolidir. U ilm-fan, maorif rivoji bilan shug‘ullanadi, erkin OAV va fuqarolik jamiyatini taraqqiy ettirish bilan shug‘ullanuvchi Arab demokratik jamg‘armasiga rahbarlik ham qiladi. Aynan Shayx Moza poytaxt yaqinida vujudga kelgan universitet shaharchasiga asos solgan. Universitetda Amerikaning eng yetuk professorlari ma’ruzalar o‘qishadi. Shayx Mozaning tashabbusi bilan Qatar dunyo miqyosidagi tadbirlar o‘tkaziladigan yirik markazlardan biriga aylandi. Shayx Mozaning turban(salla)larga bo‘lgan muhabbati moda olami tanqidchilari e’tiboridan chetda qolmagan, albatta. Forbes versiyasi bo‘yicha dunyoning eng qudratli ayollari ro‘yxatiga kiritilgan.

Marokash qiroli Muhammad VI ning rafiqasi - qirolicha Lalla Salma oqishdan kelgan tanasi va qizg‘ish sochlari tufayli sharq go‘zallari orasida o‘zgacha husn-tarovatga ega, deb ta’kidlash mumkin. Salma bo‘lib o‘tadigan barcha rasmiy uchrashuvlarda turmush o‘rtog‘iga hamrohlik qiladi. Kompyuter sohasida ilmiy unvon sohibasi, Marokashdagi eng yirik xususiy korporatsiyalardan birida faoliyat yuritadi. Lalla qirolicha Raniya bilan do‘st tutingan. U ham Raniya kabi arab ayollarini zamonaviylikka - avtomobil boshqarishga, sport bilan muntazam shug‘ullanishga, til o‘rganishga undaydi. Qirolichaning o‘zi fransuz va ingliz tillarida bemalol gaplasha oladi. Bejirim liboslarni xush ko‘radi. Lalla - zamonaviy ayol timsoli, deb e’tirof etish mumkin.

Liboslar dizayneri Alanud Badr - qahramonlarimiz orasida hech qanday oliy unvonga ega bo‘lmagan yagona ayoldir. Ammo, uning qirolicha bo‘la olishiga, shubha qilmasa ham bo‘laveradi. Nega deysizmi? Chunki u arab moda olamining eng yorqin vakilasi hisoblanadi. Ya’ni, arab ayollari qanday kiyinishni Alanuddan o‘rganishadi, deb aytish mumkin. Dizayner yaratadigan liboslar nafaqat sharq, balki g‘arbda ham dovruq qozongan. Uning Lady Fozaza brendi ostida sotiladigan liboslarini aksariyat g‘arb yulduzlari, jumladan, opa-singil Kardashyanlar juda yaxshi ko‘rishadi. Allanud o‘z liboslari orqali zamonaviy sharq ayoli - bu modaga amal qiluvchi va progressiv ayol ekanligini keng jamoatchilikka ko‘z-ko‘z qilib kelmoqda.

Dina Abdulaziz bin Nosir bin Abdulaziz, Saudiya Arabistoni malikasi. Kalta sochli bug‘doy rang bu ayolni ko‘rgan kishi u Sharq malikalaridan biri ekanligiga shubha qilishi turgan gap. Dina amirlikning haqiqiy qiroli Abdulaziz bin Nosir bin Abdulaziz al-Saudiyning rafiqasi hisoblanadi. Dina – aslzodalar davrasi malikasi, omadli biznes-ledi, modalar olamining bilimdoni. Arab dunyosining eng zamonaviy ayoli birorta modalar namoyishini o‘tkazib yubormaydi, dunyoning eng mashhur dizaynerlari bilan do‘stlik aloqalarini o‘rnatgan.
Dinaning yopiq “D'NA” nomli shaxsiy butigi bor, unga fafat malikaning taklifi bilangina kirish mumkin. U butik uchun eng eksklyuziv liboslarni didiga tayangan holda o‘zi tanlaydi.