TOShKENT, 6-iyun — Sputnik. Barselona sudi Lionel Messi va uning otasi Xorxe Orasioni soliq to‘lamaganlikda ayblab ularga 21 oydan qamoq jazosi berish haqida hukm chiqardi. Undan tashqari sud Messiga 2 mln Yevro jarima to‘lashni, uning Otasiga esa 1,5 mln jarima to‘lash haqida hukm chiqardi.
Reuters agentligi xabariga ko‘ra, mashhur futbolchi yokin uning otasi haqiqatdan ham qamoqqa o‘tirmasa kerak, chunki Ispaniya qonunlariga binoan ikki yil muddatga qadar belgilangan har qanday jazo sinov muddati bilan almashrilishi mumkin.
Eslatib o‘tamiz, oldin ham Messi va uning otasiga qarshi 4,1 mln Yevro miqdorida soliqlar to‘lamaganlik borasida hukm chiqarilgan edi. Xususan, futbolchi o‘zining 2007, 2008 va 2009-yillardagi reklama shartnomalaridan olgan foydasidan soliq to‘lamaganligi va ushbu mablag‘lar soxta firma hisob raqamlari orqali Urugvay, Beliz, Shveysariya va Buyuk Britaniyaga olib chiqib ketilganligi xabar berilgan edi.
Messining o‘zi bo‘lsa, hech qachon soliq mavzusida qiziqmaganligini, bu maslada uning shartnomalari bilan shug‘ullanayotgan kishilar ma’sulligini ta’kidlagan edi. Ayni vaqtda futbolchi davlat hisobiga 10 mln Yevroa jarima sifatida to‘ladi va yana 15 mln to‘lashga tayorligini ma’lum qildi.
