TOShKENT, 1-iyul — Sputnik. Rossiya "Birinchi" kanalida rejissor Pavel Bardin tomonidan suratga olingan "Salam, Maskva" seriali namoyish etiladi, deb xabar berilgan telekanal saytida.
"So‘nggi yillarda Rossiyaga millionlab migrantlar tashrif buyurdi. Rustam va Sanya — Rossiya politsiya xizmati xodimlari. Serialning har bir qismi mana shu ikki hamroh olib boradigan jinoyat qidiruv ishlari haqida hikoya qiladi", — deyilgan sayt xabarida.
"Salam, Maskva" kartinasi Moskvaga kelayotgan migrantlar va politsiyaning etnik jinoyatchilikka qarshi kurashuvchi maxsus bo‘linmasi haqida hikoya qiladi. Filmda o‘zbekistonlik aktorlar ham suratga tushgan. Film ijodkorlari so‘zlariga qaraganda, serialda suratga tushish uchun aktorlarga uch oy davomida vyetnam tilini o‘rganishga to‘g‘ri kelgan. Vyetnamliklar rolini shuningdek, Buratiya va Tuvalik aktorlar ijro etishgan.
Serialda har bir millat orasida yaxshi insonlar bilan bir qatorda jinoyatchilar ham bo‘lishi mumkinligi, shu bois, "kelgindilar" bilan emas, balki, millat tanlamaydigan, Moskva ahli bilan bir qatorda, poytaxt mehmonlariga ham xalal beradigan jinoyatchilikka qarshi urush olib borish lozimligi g‘oyasi ilgari surilgan.
