TOShKENT, 25-iyun — Sputnik. Tadbir doirasida o‘n kun davomida aholisi musulmonlardan iborat respublikalarga bag‘ishlangan kechki tadbirlar o‘tkaziladi, deb xabar qilmoqda Nuz.uz nashri.
Ushbu tadbirdan ko‘zlangan maqsad Sankt-Peterburg ahlini musulmon davlatlar tarixi, madaniyati va an’analari bilan tanishtirish.
O‘zbekistondan tashqari ushbu tadbirda ishtirok etish uchun Tatarston, Qirg‘iziston, Pokiston, Boshqirdiston va Ozarbayjon davlatlari tomonidan ariza tashlangan.
Tadbir Sankt-Peterburg shahri Musulmonlar diniy boshqarmasi hamda "Safmar" xayriya fondi tomonidan tashkil qilinmoqda.
