TOShKENT, 24-iyun – Sputnik, Mariya Tabak. Buyuk Britaniyada kecha o‘tkazilgan referendumda 16,7 million ovoz bilan Yevropa Ittifoqidan ajralish tarafdorlari g‘olib chiqdi, RIA Novosti xabariga asosan.
YeIda qolish va ajralish tarafdorlari orasida juda kam farq bo‘ldi. Ovozlarni sanash vaqtida bir necha bor g‘alaba goh u goh bu tomonga o‘tib turdi, lekin sanoq oxirida “ajralish” tarafdorlari g‘olib chiqdi.
Ushbu referendum yuridik majburiyatga ega emas, ya’ni hukumat va Bosh vazir uning natijalarini inkor qilishlari mumkin. Lekin ekspertlar fikriga ko‘ra, Devid Kemeronning shaxsan o‘zi ushbu referendum o‘tkazish tashabbusi bilan chiqqani, uning natijalarini inkor qilishni ancha mushkullashtiradi. Ba’zi siyosatchilar esa Kemeronga iste’foga chiqishni maslahat bermoqda.
