TOShKENT, 17-iyun — Sputnik. Fransuz politsiyachisi yaqinda Fransiyada o‘ldirilgan huquq tartibot xodimlari xotirasiga uyushtirilgan rasmiy marosimda mamlakat prezidenti Fransua Olland va Bosh vazir Manuel Valsning qo‘lini siqishdan bosh tortdi, deb xabar bermoqda RIA Novosti.
Politsiya xizmati xodimi bo‘lgan, qotillik qurboni bo‘lgan juftlikni xotirlash marosimida so‘zlangan nutqdan so‘ng Olland qator bo‘lib turgan politsiyachilarning qo‘lini birma-bir siqib kela boshlagan, politsiyachilardan biri esa prezident qo‘l uzatganda, joyida qimirlamasdan turavergan.
Nashr xabariga ko‘ra, politsiyachi, shuningdek, Fransiya Bosh vazirining qo‘lini siqishdan ham bosh tortgan. Shundan so‘ng Bosh vazir politsiyachi yaqiniga borib, taxminlarga ko‘ra, uni koyigan. Bosh vazir politsiyachiga nimalar degani noma’lum.
Eslatib o‘tamiz, seshanbaga o‘tar kechasi bir erkak o‘zining politsiyachi-qo‘shnisiga pichoq bilan tajovuz qilib, uni o‘ldirgan, so‘ngra uning xotini va farzandini garovga olgan. Operatsiya davomida qotil spesnazchilar tomonidan yo‘q qilingan. Ammo tajovuzkor politsiyachining rafiqasini ham o‘ldirishga ulgurgan. Ayol ham Fransiya IIVda ishlagani ma’lum. Uch yashar go‘dakka ziyon yetmagan.
