TOShKENT, 28-may — Sputnik. "Su-24 mojarosi"ga qaramay, Rossiya Turkiya bilan munosabatlarni tiklashni xohlaydi, dedi juma kuni Rossiya prezidenti Vladimir Putin Afinada chiqishi vaqtida.
Rossiya prezidenti, shuningdek, shu paytga qadar Turkiya tomonidan hech qanday tushuntirishlar kelib tushgani yo‘q. "Bizdan hech kim uzr so‘ramadi. Qolaversa, yetkazilgan zararni qoplash haqida ham lom-mim deyilgani yo‘q. Biz faqatgina ulardan munosabatlarni tiklashga tayyor ekanliklari haqidagi ta’kidlarni eshitapmiz, xolos. Biz ham munosabatlar tiklanishi tarafdorimiz. Ammo bu munosabatlarni biz buzganimiz yo‘q. Biz o‘n yilliklar davomida Rossiya-Turkiya munosabatlari hamkorlik va do‘stlikning yangi bosqichiga olib chiqish uchun qo‘ldan kelgancha harakat qilgan edik. Va shunday bo‘ldi ham. Biz bu munosabatlarni juda ham qadrlar edik. Nima uchun bu mojaro sodir etildi, hozirgacha aqlimga sig‘dirolmayman", — dedi Rossiya prezidenti.
"Turkiya tomon bilan doimo aloqadamiz. Turli kanallardan ularning hamkorlari o‘rtaga tushib turibdi. Ular biz aytadigan javobni yaxshi bilishadi. Biz ulardan aniq harakatni kutapmiz. Hozircha ular jim", — deb ta’kidladi Vladimir Putin.
Eslatib o‘tamiz, Rossiya prezidenti Vladimir Putin shu haftada Gretsiyaga ikki kunlik rasmiy safar uyushtirdi. Gretsiyada u o‘z hamkasbi Prokopis Pavlopulos va Gretsiya Bosh vaziri Aleksis Sipras bilan uchrashdi.
