TOShKENT, 9-may — Sputnik. Rossiya prezidenti Vladimir Putin G‘alabaning 71-yilligi munosabati bilan O‘zbekiston, Ozarbayjon, Armaniston, Belorussiya, Qozog‘iston, Qirg‘iziston, Moldova, Tojikiston, Turkmaniston, Abxaziya va Janubiy Osetiya rahbarlariga, shuningdek, Gruziya va Ukraina fuqarolariga o‘z tabrigini yo‘lladi, RIA Novosti xabari asosida.
“Muqaddas G‘alaba kuni ayyomi toabad o‘z ona yurti va dunyoni fashizm balosidan ozod qilgan xalqlar jasorati va birligi ramzi bo‘lib qoladi”, deyilgan tabriknoma matnida.
Rossiya prezidenti, shuningdek, umumiy tarixni yangitdan yozishga, o‘tmishdagi fojiaviy hodisalar takrorlanishiga yo‘l qo‘ymaslikka chaqirdi. Bundan tashqari, Ikkinchi jahon urushida qatnashganlar xotirasini yod etish, veteranlar haqida qayg‘urish bo‘yicha umumiy burch haqida eslatib o‘tdi.
O‘z nutqi so‘nggida Rossiya davlati rahbari Ikkinchi Jahon urushida ishtirok etganlarning barchasini ushbu muqaddas ayyom bilan muborakbod etib, ularga sog‘lik va uzoq umr tiladi.
