TOShKENT, 22 apr – Sputnik. 21-aprel kuni Ottava shahrida O‘zbekiston va Kanada TIV o‘rtasida siyosiy maslahatlashuvlarning navbatdagi 5-raundi o‘tkazildi, deb xabar qilmoqda O‘zbekiston Tashqi ishlar vazirligi matbuot-xizmati.
“Suhbat davomida turli sohalardagi hamkorlikni bosqichma bosqich rivojlanishidan O‘zbekiston va Kanada birdek manfaatdor ekanligi qayd etildi. Shu nuqtayi nazardan ikki tomonlama aloqalarni chuqurlashtirish, savdo-iqtisodiy, investitsion, sayyohlik va boshqa sohalarda mavjud bo‘lgan hamkorlikning ulkan salohiyatini amalda qo‘llash istiqbollariga alohida e’tibor qaratildi”, — deyiladi xabar matnida.
Kanada Tashqi ishlar va xalqaro savdo vazirligi delegatsiyasiga Yevropa va Yevroosiyo ishlari bo‘yicha buro Bosh direktori Metyu Levin rahbarlik qildi.
Uchrashuvda 2015-yil boshida Toshkent shahrida bo‘lib o‘tgan siyosiy maslahatlashuvlarning beshinchi raundi chog‘ida erishilgan kelishuvlarni amalga oshirish jarayoni atroflicha muhokama qilindi.
Shuningdek xalqaro va mintaqaviy dolzarb muammolar, jumladan Afg‘onistondagi holat muhokama qilindi.
