TOShKENT, 7 apr – Sputnik, Alena Palajchenko. Turkiya prezidenti Toyib Erdo‘g‘on Yevropa Ittifoqini Anqara bilan qochoqlar borasida tuzilgan shartnomaga amal qilmayotganlikda ayblamoqda. "YeI bergan va’dalarga amal qilmayapti, Turkiya ham xuddi shunday qiladi", — deb tahdid qildi Erdo‘g‘on, RIA Novosti xabari asosida.
"Turkiya davlat budjeti hisobidan uch millionga yaqin odamlar (suriyalik qochoqlar, — tahr.) ta’minlanmoqda. Yevropa va’da qilgan pullardan esa hamon darak yo‘q. Agar Yevropa Ittifoqi bergan va’dasida turmasa, Turkiya ham bu bitimga amal qilmaydi. Iqtisodiy jihatdan bizdan ustun bo‘lgan davlatlar odamiylik munosabatlarini ko‘rsatganlari yo‘q”, — deb ta’kidladi Erdo‘g‘on Anqarada politsiyachilar bilan uchrashuvi chog‘ida.
Turkiya prezidenti YeI migratsiya masalasini hal etish uchun, Turkiya suriyalik qochoqlarni o‘z bag‘riga olishi uchun olti milliard yevro ajratishi lozimligini eslatib o‘tdi.
