TOShKENT, 4 apr – Sputnik. O‘zbekiston-Bolgariya qo‘shma korxonasi Uz-Prista Recycling Toshkent viloyatida ishlatilgan motor moyidan toza moy olish zavodini ishga tushirdi, bu haqda korxona ta’sischilaridan biri bo‘lgan “O‘zneftmahsulot” AJ xabar berdi.
Qo‘shma korxona yiliga 43 ming tonna ishlatilgan moydan 30 ming tonna moy olish quvvatiga ega. Olingan mahsulot Uz-Prista Oil qo‘shma korxonasi ishlab chiqarayotgan mineral va sintetik moylarga asos sifatida ishlatiladi. Loyihaga kiritilgan sarmoya – 15 million dollarni tashkil qildi.
2011 yilda Bolgariyaning Prista Oil kompaniyasi “Uz-Texaco” qo‘shma korxonasidagi Texaco Overseas Holdings Inc kompaniyasining 50,1% aksiyasini sotib oldi. Qo‘shma korxoaning ikkinchi ta’sischisi bu “O‘zneftmahsulot” AJ bo‘lib unga 49,9 % aksiya tegishli.
Hozirgi kunda Uz-Prista Oil Farg‘ona Neftni qayta ishlash zavodida 30ga yaqin motor, transmissiya, giravlika va boshqa moylar ishlab chiqarmoqda. Korxona mahsulotining 70% O‘rta Osiyo va Sharqiy Yevropa mamlakatlariga Texaco brendi ostida eksport qilinmoqda.
