TOShKENT, 22 mar — Sputnik. Sankt-Peterburgda hibsga olingan, davlatlararo qidiruvda bo‘lgan O‘zbekiston fuqarosi Hasan Sattorov, O‘zbekistonda konstitutsiya tizimini noqonuniy to‘ntarishga urinishda va “Turkiston islom harakati” ekstremistik tashkiloti faoliyatini yo‘lga qo‘yshda ayblanib, sud qarori bilan hibsga olindi, Sankt-Peterburg prokuraturasi matbuot xizmati xabariga asosan.
“Sattorov, jamoatchilikni O‘zbekistonda konstitutsiya tizimini noqonuniy o‘zgartirishga da’vat qilishda ayblanmoqda. Shu bilan bir vaqtda Rossiyada faoliyati ta’qiqlangan, “Turkiston Islom harakati” ekstremistik tashkiloti a’zosi bo‘lgan”, — deyilgan prokuratura xabarida.
Matbuot xizmati xabariga ko‘ra, Sattorov 2012-yildn boshlab Sankt-Peterburgda “Turkiston Islom harakati” faoliyatini qayta tiklagan. Ushbu ekstremistik tashkilot majlislarida Suriya va boshqa mamlakatlarda “jihod” va davlat to‘ntarishi tashkil qilib “Islom davlati” o‘rnatish muhokama qilingan.
Yuqorida keltirilgan faktlar natijasida, Peterburgning Pushkin tumani sudi Sattorovni “sudgacha qamoqda qoldirish” qarorini qabul qildi.
Politsiya Hasan Sattorovni yakshanba kuni Sankt-Peterburgda qo‘lga oldi.
