TOShKENT, 14 fev — Sputnik. Saudiya Arabistoni qirolligi Tashqi ishlar vaziri Adel al-Djubeyr, Suriya prezidenti o‘z lavozimidan “kuch bilan” olib tashlanishi ham ehtimoldan xoli emas, dedi RIA Novosti xabariga asosan.
Saudiya Arabistonilik diplomat CNN telekanaliga bergan intervyusida Bashar Asad “albatta o‘z lavozimidan ketadi, u yo iste’foga chiqadi yoki kuch bilan olib tashlanadi” dedi.
“Biz Suriya inqirozini siyosiy yo‘l bilan hal qilish tarafdorimiz, lekin o‘jar Asad va uning tarafdorlari aybi bilan vaziyat boshi berk ko‘chaga kirib qolsa, muammoni kuch bilan hal qilishdan boshqa iloj qolmaydi”, — dedi al-Jubeyr.
Uning so‘zlariga qaraganda, Er-Riyod Suriya hududiga qo‘shinlarini faqatgina AQSh boshchiligidagi koalitsiya tarkibida yuborishi mumkin. Yaqinda Turkiyaning Injirlik aviabazasiga Saudiya Arabistonining harbiy samolyotlari olib kelindi.
