TOShKENT, 9 fev — Sputnik. Rozenxaym shahri politsiyasi rasmiy vakili, Bavariyada ikki poyezd to‘qnashuvida 8 kishi qurbon bo‘lganini va 150 kishi jarohatlanganini, ular orasida 50 kishi og‘ir jarohat olganini xabar qildi.
“Ha, men hozir 8 kishi qurbon bo‘lganini tasdiqlashim mumkin. 50 kishi og‘ir yaralangan va yana 100 kishi yengil yaralangan”, — dedi politsiya rasmiy vakili.
Politsiya xabariga ko‘ra, avariya sodir bo‘lgan joyda qidirish ishlari olib borilmoqda, qurbonlar soni oshishi mumkin.
Ushbu fojea sababi terrorchilik bo‘lishi mumkin-mi degan savolga. politsiya vakili keskin "Yo‘q", — deb javob berdi.
Poyezdlar to‘qnashuvi Bavariya viloyatida, Bad-aybling shahri yaqinida seshanba kuni ertalab sodir bo‘ldi. Avariya sodir bo‘lgan joyda hozir 100ga yaqin qutqaruvchilar va vrachlar, bir necha vertoletlar ishlamoqda. Avriayada ikki poyezd yuzma-yuz to‘qnashgan, ulardan biri temir yo‘ldan chiqib ketgan. Fojea sabablari hozir batafsil o‘rganilmoqda.
