TOShKENT, 26 yanv — Sputnik. Toshkent ko‘chalarida yaqin kunlar ichida velosiped yo‘laklari paydo bo‘ladi, deb xabar bermoqda Uzbekistan Today, IIV YHX Bosh boshqarmasi vakili xabariga asosan.
YHX Bosh boshqarmasi Toshkent tuman hokimiyatlariga ushbu taklifni yo‘naltirgan. Loyihani moliyalashtirish IIV YHX Bosh boshqarmasi hisobidan olib boriladi. Rasmiy shaxsning so‘zlariga qaraganda loyhani moliyalash muammo bo‘lmaydi.
“Velosipedchilar piyodalar va avtomobilchilar qatorida yo‘l harakati qatnashchilaridir. Shuning uchun ham biz shunday taklif bilan chiqdik. Hozir hokimiyatlar loyiha institutlari bilan birgalikda, rivojlangan mamlakatlarning ushbu sohadagi tajribasini o‘rganib chiqmoqda”, — dedi muassasa vakili.
Velosiped yo‘laklari O‘zbekistonning boshqa shaharlarida ham paydo bo‘lishi mumkin. Ularning paydo bo‘lishi aniq sanasi e’lon qilingani yo‘q.
