TOShKENT, 22 yanv — Sputnik. “O‘zbekiston havo yo‘llari” milliy aviakompaniyasi Namangan – Yekaterinburg – Namangan yo‘nalishida chiptalarni sotuvga qo‘ydi, xabar qiladi kompaniya matbuot xizmati.
Airbus 320 samolyotlari Yekaterinburgga haftada bir marta – payshanba kuni parvozni amalga oshiradi.
“O‘zbekiston havo yo‘llari” milliy aviakompaniyasi Yevropa, Amerika, Yaqin Sharq, Osiyo davlatlarining 21 shaharlariga, MDH davlatlarining 22 shahariga va 11 yo‘nalishda mamlakat ichida parvozlarni amalga oshiradi.
