TOShKENT, 5 yanv — Sputnik. "Pochta Rossii" xalqaro pul o‘tkazmalar tizimini ishga tushirdi. Bundan buyon “Forsaj” pul o‘tkazmalar tizimi Rossiya Federatsiyasining barcha hududlarida joylashgan pochta bo‘limlari orqali O‘zbekistonga pul yuborish imkoniga ega bo‘ladi, deyilgan kompaniya saytida.
150 ming rublgacha bo‘lgan pul o‘tkazmalarini Ozarbayjon, Armaniston, Belorussiya, Qozog‘iston, Qirg‘iziston, Moldaviya, Tojikiston, Ukraina, gruziya va O‘zbekistonga yuborish mumkin.
Pul o‘tkazmasi uchun komissiya 1,8 %ni tashkil qiladi. Eng kichik komissiya 149 rubl bo‘lishi kerak. Ushbu komissiya pul o‘tkazmalari bozorida shunday operatsiyalar uchun eng kichik komissiyalardan biridir. O‘tkazilgan pullarni bir necha minutdan keyin olish mumkin.
