TOShKENT, 5 yanv — Sputnik. “Saudiya Arabistoni va Eron o‘rtasidagi munosabatlar Tehron boshqa mamlakatlar, shu jumladan bizning qirolligimiz ichki ishlariga aralashishni to‘xtatgan taqdirdagina qayta tiklanishi mumkin”, — dedi Saudiya Arabistonining BMTdagi doimiy vakili Abdulla Al-Muallimiy, RIA Novosti Reyter xabari asosida.
O‘tgan hafta shanba kuni Saudiya Arabistoni Ichki ishlar vazirligi 47 kishi, shu jumladan, shia targ‘ibotchisi Nimr an-Nimrning qatl etilishi haqida e’lon qilgan edi. Imomning qatl etilishi haqidagi xabar shia siyosiy va diniy arboblarini qattiq g‘azabga keltirdi va natijada ommaviy norozilik namoyishlari boshlanib ketdi. Bu holat Ar-Riyod va Tehron o‘rtasida diplomatik munosabatlar batamom uzilishiga sabab bo‘ldi.
