TOShKENT, 24 dek — Sputnik. Moskva Qizil maydoni Yangi yil oqshomi tashrif buyuruvchilar uchun yopiq bo‘ladi, chunki bayram oqshomi mamlkatning bosh maydonida “Goluboy ogonyok” teleko‘rsatuvi suratga olinadi. Kirish maxsus taklifnomalar bo‘yicha amalga oshiriladi. Bu haqda regional xavfsizlik departamenti rahbari Aleksey Mayorov “Moskva 24” telekanaliga xabar berdi.
“Bu yil Yangi yil oqshomida Qizil maydonda “Goluboy ogonyok” bayram konserti suratga olinadi. Shuning uchun u yerga faqat maxsus taklifnamalarga binoan kiritiladi”, — dedi Mayorov.
Odatda Yangi yil oqoshomida Moskva markazida odam juda gavjum bo‘ladi. Qizil maydon, Tverskaya va boshqa markaziy ko‘chalarda sahnalar o‘rnatilib bepul konsertlar o‘tkaziladi. Ushbu sayllarda Rossiya regionlaridan va MDH mamlakatlaridan kelgan minglab mehmonlar qatnashadi.
