Qirg‘iziston janubida joylashgan “Qumtor” koni oltin zahiralari bo‘yicha dunyoda uchinchi o‘rinda, O‘rta Osiyoda esa birinchi o‘rinda turadi. U yerdagi oltin zahiralari hajmi 700 tonnani tashkil qiladi.
Qumtor koni O‘rta Tan-Shan tog‘ida, dengiz sathidan 4000 metr balandlikda, doimiy muzlik hududida joylashgan.
Oltin qazib olish ochiq yo‘l bilan olib boriladi. Qazib olingan rudadan, tarkibida 80% sof oltin bo‘lgan Dore quymasi olinadi.
Keyin ushbu quyma Kara-Balta shahrida 1997-yilda qurilgan oltin tozalovchi (affinaj) zavodida qayta ishlanib toza oltin olinadi.
Shunday qilib 1997-yildan hozirgi kunga qadar Centerra Gold Inc kompaniyasi Qumtor konidan 264 tonnaga yaqin oltin qazib olgan.
2014 yilda 17,657 tonna oltin qazib olindi. Undan davlat budjetiga 120 million dollarga yaqin mablag‘ soliq va boshqa to‘lovlar sifatida kelib tushdi.
1998 yilning 20-may kuni Centerra Gold Inc ga qarashli “Natriy Sianid” kimoviy modda tashiyotgan yuk mashinasi ag‘darilib Barskaun darosiga qulab tushgan. Bu ekologik talofot natijasida 1161 kishi zaharlangan va minglab uy jonivorlari nobud bo‘lgan. Jeti Oguz tabiat qo‘riqxonasiga tiklanmas zarar yetkizilgan. Yuzlab gektar qishloq xo‘jaligi yerlari yaroqsiz holga kelgan. Bundan g‘azablangan aholi avtomobil yo‘llarini to‘sib norozilik namoyishga chiqqan.
Hozirgi kunda Qumtor oltin koni 100% Centerra Gold kompaniyasining mulki. Qirg‘iziston bo‘lsa ushbu kompaniyaning eng yirik aksiyadori — 33% aksiyalar ulushi egasi, lekin Qirg‘iziston kompaniya boshqarishda qatnashmaydi.
