TOShKENT, 23 dek — Sputnik. Rossiyaning Bosh Qorbobosi bolalardan har yili 3 millionga yaqin maktub oladi.
“Bolalar avgust oyidan boshlab menga xat yozishni boshlaydilar. Bu yilgi maktublarda ular ko‘proq tinchlik va baxt so‘rashgan. Sovg‘a so‘raganlar kamchilikni tashkil qiladi”, — o‘rtoqlashdi Qorbobo chorshanba kuni o‘tkazilgan anjuman davomida.
Qorboboning so‘zlariga qaraganda, bolalar o‘z maktublarida ko‘pincha telefon, planshet va kompyuter so‘rashadi. "Kulgili mazmundagi xatlar ham uchrab turadi. Mana misol uchun: Qorbobojon, sening borligingga ishonmasam ham, lekin menga iPhone 6 sovg‘a qilishingni juda-juda xohlayman", — o‘qib berdi sehrgar.
Qorqiz ham o‘z nomiga kelgan antiqa maktub haqida esladi. Maktub mazmuni quyidagicha: “Qorqiz, seni baribir topaman! Yalmog‘iz”.
