TOShKENT, 7 dek — Sputnik. Iroq hukumati Turkiya harbiylaridan mamlakat hududini tark etishini qat’iyan talab qildi.
“Turkiya qo‘shimcha harbiy bo‘linmalarni Iroqqa olib kirish fikridan yiroq. Biz Iroq bilan ID (Daish)ga qarshi kurashda hamkorlikni kuchaytirmoqchi edik, xolos. Iroq mustaqilligiga, mamlakat hududiy yaxlitligiga tajovuz qilish niyatidan yiroqmiz” — dedi yakshanba kuni Turkiya Bosh vaziri Axmad Dovuto‘g‘li.
Iroq hukumati xabariga ko‘ra, 4-dekabr kuni Turkiya tank bataloni Qurd xalq qo‘shinlarini terrorchilarga qarshi jangga tayyorlash bahonasida Iroqning Naynava qishlog‘iga kirib borgan.
Shundan so‘ng, Iroq diplomatiyasi muassasasi Turkiya harbiylari Iroq hududini tark etishlarini talab qilgan. Turkiya harbiylarining mamlakat hududida mavjudligi “adovatli harakat” sifatida baholangan. Iroq parlamenti Havfsizlik va mudofaa qo‘mitasi rahbari Xakim az-Zamli Turkiya harbiylari mamlakat hududini tark etmaydigan bo‘lsa, ularga hujum uyushtirilishini ma’lum qildi.
