Rossiya prezidenti Vladimir Putin o‘z maoshi, shuningdek, mamlakatda ma’lum amalni egallab turgan shaxslarga to‘lanadigan to‘lovlarni 10 % ga qisqartirish haqidagi farmon imzoladi.
TOShKENT, 2 dek — Sputnik. Vladimir Putin, bosh vazir Dmitriy Medvedev va mamlakatda yuqori lavozimlarni egallab turgan boshqa bir qator amaldorlar maoshi qisqartirilishi muddati yana bir yil, ya’ni, 2016-yil 31-dekabrga qadar uzaytiriladigan bo‘ldi. Farmon chorshanba kuni rasmiy portalda e’lon qilindi.
Eslatib o‘tamiz, Vladimir Putin 2015-yil fevral oyida o‘zining, bosh vazirning va maoshi bo‘yicha ularga tenglashtirilgan amaldorlarning maoshi o‘n foizga qisqartirilishi haqidagi farmonga imzo chekkan edi.
