TOShKENT, 10 noya — Sputnik. Rossiya TIV rasmiy vakili Mariya Zaxarova IDni afsonaviy tashkilotga aylantirish haqidagi savolga javob berarkan, ID bu dunyo oldin ko‘rmagan, tamoman boshqa xavf, dedi.
Yevropa va Osiyo mamlakatlari media vakillarining Sakkizinchi forumida so‘zga chiqarkan, Mariya Zaxarova “Islom davlati” butunlay boshqa terrorchi tashkilotligiga va u tezlik bilan tarqalib butun dunyoga xavf solayotganiga alohida etibor berdi.
“Agar IDni oldin paydo bo‘lgan terrorchi tashkilotlar bilan solishtirsak, u butunlay boshqacha, murakkab tuzilishga ega. Ular yovuzlikda chegara bilmaydilar, madaniyatli dunyoda qabul qilingan qadriyatlarni tan olmaydilar va, shu bilan bir vaqtda, xalifalik qurish uchun kurashmoqda. Ular dunyoning bir chekkasida yashaydigan, qandaydir yovvoyi qabilalar emas, zamonaviy qurol-aslaha bilan jihozlangan, amaliy kuch va ularning ta’siri butun dunyoga tarqalmoqda”, — deydi Zaxarova.
IDga qarshi kurashda, dunyo hamjamiyatining asosiy muammolaridan biri, bu — kimni terrorchi deb tan olish kimni esa tan olmaslik tushunchasi yo‘qligi. Bunday muammo barcha mamlakatlarda, hatto IDga qarshi kurashayotgan koalitsiya mamlakatlarida ham bor.
30 sentabrda boshlab Rossiya, Suriya, Iroq va Eron ID terrorchi guruhiga qarshi kurash olib bormoqda. O‘tgan vaqt davomida Rossiya havo-kosmik kuchlari yuzlab jangovor parvozlar amalga oshirdi va ID pozitsiyalariga va zarba berdi. Suriya qo‘shinlari quruqlikda hujum olib bormoqda.
