TOSHKENT, 30 okt — Sputnik. Oʻzbekistonda 2015 yilning toʻqqiz oyida oziq-ovqat ishlab chiqarish hajmi 10 trln. soʻmdan oshdi. Bu esa oʻtgan yilga koʻrsatkichga qaraganda 16,7 %ga koʻp, deyilgan respublika statistika qoʻmitasi xabarida.
Xususan, shakar ishlab chiqarish 1,5 baravar, baliq – 14%, goʻsht-sut mahsulotlari – 12,5 %, sabzavot – 4,2 %, spirtli ichimliklar – 4 %, vino mahsulotlari – 3,3 %, yogʻ-moy mahsulotlari – 1,2 % ga oshdi.
Maʼlumotlarga qaraganda, oʻsish asosan poytaxt korxonalarida sodir boʻlgan. Toshkent shahrida – 24,3 % Toshkent viloyatida – 20,8 % va Samarqand viloyatida – 13,3 %.
Sohada kichik biznes ulushi 13% ga oshib, oziq-ovqat mahsulotlari ishlab chiqarishning umumiy hajmida 63,2 % ini tashkil qildi.
