Moskvada Ravon avtomobillari taqdimot marosimi bo‘lib o‘tdi. Oldin O‘zbekistonda ishlab chiqarilgan avtomobillar Daewoo nomi bilar Rossiyada sotilardi, lekin ishlab chiqaruvchi, avtomobillarga qiziqishni oshirish uchun, uning nomini yangilashga qaror qildi. Yangi Ravon brendi "vaqt bilan tekshirilgan, yangitdan yasalgan" shiori bilan taqdim etildi.
“O‘zavtosanoat” AJ raisi o‘rinbosari Tohirjon Jalilov, taqdimot marosimida so‘zga chiqarkan, xaridorlar tajriba o‘tkazishni xoxlamaydilar, ular tekshirilgan sifatga ishonadilar, dedi. Uz-Daewoo avtomobillari Rossiya bozorlarida sotilishni boshlagandan beri salkam bir millionga yaqin avtomobil sotildi. Ulardan 300 mingtasi Matiz avtomobili. Rossiyaning eng kichik A-klass avtomobillar segmentida Matiz ulushi 60% ni tashkil qiladi. Ikki yil oldin paydo bo‘lgan Gentra avtomobili Rossiyada eng ko‘p sotiladigan avtomobillar orasida 25 o‘rinda turadi.
Jalilovning so‘zlariga qaraganda RAVON so‘zi, bir tarafdan ingliz abreviaturasi «Reliable Active Vehicle On Road», ikkinchi tarafdan o‘zbekcha "toza, ravon yo‘l" yoki "oson yo‘l" degan ma’noni bildiradi.
2015 yilda Ravon xaridorlarga yaxshi tanish bo‘lgan Matiz va Gentra modellarini ishlab chiqaradilar. Xaridorlar yaxshi ko‘radigan Matiz avtomobili, birinchi bor xavfsizlik yostiqchasi, ABS va immobilayzer bilan jihozlangan.
Ko‘rgazmada kompakt avtomobil Ravon R2 (Spark analogi), Ravon R3 va yangi avtomobil Ravon R4 (Cobalt analogi) taqdim etildi.
Kelasi yil avtomobillar turi ancha kengaytiriladi. Yangi Nexia avtomobili paydo bo‘ladi. Ushbu avtomobil Chevrolet Aveo asosida ishlab chiqariladi.
