Rossiya va Xitoy munosabatlari har qanday bo‘ronda ham tog‘dek mustahkam — Si Szinpin

© Sputnik / Sergey Bobilev / Mediabankka o‘tishVladimir Putin i Si Szinpin vo vremya vstrechi na polyax sammita ATES
Vladimir Putin i Si Szinpin vo vremya vstrechi na polyax sammita ATES - Sputnik O‘zbekiston, 1920, 18.11.2026
Obuna bo‘lish
Rossiya va Xitoy rahbarlari savdo-iqtisodiy hamkorlik, xalqaro vaziyat va ikki davlat o‘rtasidagi strategik munosabatlarni muhokama qildi.
TOShKENT, 18 noya — Sputnik. Xitoy rahbari Si Szinpin Rossiya prezidenti Vladimir Putin bilan uchrashuvda ikki mamlakat munosabatlarini har qanday qiyinchilik va bo‘ronlarga qaramay tog‘dek mustahkam deb ta’rifladi. Bu haqda RIA Novosti xabar berdi.
Uchrashuv ikki soatdan ortiq davom etdi. Muzokaralar kengaytirilgan va tor doirada, jumladan, ishchi nonushta shaklida bo‘lib o‘tdi.
Putin Rossiya va Xitoy o‘rtasidagi hamkorlik izchil rivojlanayotganini ta’kidladi. Uning so‘zlariga ko‘ra, ikki mamlakat o‘rtasidagi savdo aylanmasi bir necha yildan buyon 200 mlrd dollardan oshmoqda. Joriy yilda ham ushbu ko‘rsatkichning o‘sishi kutilmoqda.
Rossiya prezidenti ikki davlatning innovatsiyalar, transport va gumanitar sohalardagi hamkorligiga to‘xtaldi. Vizasiz rejim joriy etilganidan so‘ng o‘zaro sayyohlar oqimi 43 foizga oshgan.
"Rossiya va Xitoyning tashqi siyosat sohasidagi hamkorligi barqaror va ijobiy yo‘nalishda rivojlanmoqda. Murakkab geosiyosiy vaziyatda yanada adolatli ko‘p qutbli dunyo tartibini shakllantirishga konstruktiv yondashmoqdamiz", — dedi Putin.
Si Szinpin esa ikki davlat munosabatlari xalqaro vaziyatdagi o‘zgarishlarga qaramay mustahkamligicha qolayotganini ta’kidladi.

"Ikkimizning qat’iy rahbarligimiz ostida Xitoy va Rossiya munosabatlari har qanday qiyinchilik va bo‘ronlarga qaramay tog‘dek qo‘zg‘almas bo‘lib kelgan va shundayligicha qolmoqda", — dedi Xitoy rahbari.

Uning ta’kidlashicha, mazkur hamkorlik beqaror xalqaro vaziyatda barqarorlikni ta’minlashga xizmat qilmoqda.
Si Szinpin 2013-yildan buyon Putin bilan shaxsan va videaloqa orqali 50-marta muloqot qilganini ham qayd etdi.
Muzokaralar kun tartibi
Rossiya prezidenti yordamchisi Yuriy Ushakov avvalroq uchrashuvda energetika, moliya, yuqori texnologiyalar va sun’iy intellekt sohalaridagi hamkorlik muhokama qilinishini ma’lum qilgan edi.
Shuningdek, xalqaro masalalar, jumladan, Ukraina mojarosi, Koreya yarim orolidagi vaziyat va Osiyo-Tinch okeani mintaqasidagi strategik hamkorlik ham kun tartibidan o‘rin olgan.
Vladimir Putin vistupil na delovom sammite foruma ATES v Shenchjene - Sputnik O‘zbekiston, 1920, 18.11.2026
Putin: sanksiyalar Rossiyani to‘xtatmadi, YeI esa ular tufayli sanoat salohiyatini yo‘qotmoqda
Yangiliklar lentasi
0