https://oz.sputniknews.uz/20260918/rossiya-parlament-saylovlari-60526916.html

Rossiyada uch kunlik parlament saylovlari bo‘lib o‘tmoqda

Rossiyada uch kunlik parlament saylovlari bo‘lib o‘tmoqda

Sputnik O‘zbekiston

Federal saylov okrugi bo‘yicha Davlat dumasining to‘qqizinchi chaqiriq deputatlari saylovida o‘nta partiya ishtirok etmoqda: “Yedinaya Rossiya” ("Yagona Rossiya"), Rossiya Liberal-demokratik partiyasi (LDPR), To‘g‘ridan-to‘g‘ri demokratiya partiyasi, “Zelonie” (“Yashillar”), “Spravedlivaya Rossiya” (“Adolatli Rossiya”), “Rodina” (“Vatan”), Rossiya Kommunistlar partiyasi (KPRF), Pensionerlar partiyasi, "Rossiya kommunistlari" va “Novie lyudi” ("Yangi odamlar”).

2026-09-18T11:30+0500

2026-09-18T11:30+0500

2026-09-18T17:50+0500

dunyoda

dunyo yangiliklari

rossiya

saylovlar

rossiya davlat dumasi

https://cdn1.img.sputniknews.uz/img/07ea/09/12/60526089_0:0:768:432_1920x0_80_0_0_2a27ddb90d9da4b5cd0b16e5693b8602.jpg

TOShKENT, 18 sen – Sputnik. Rossiyada Davlat dumasi deputatlari saylovi va ular bilan birga ovoz berishning yagona kunida o‘tkaziladigan boshqa saylovlar boshlandi.Birinchi saylov uchastkalari Kamchatka o‘lkasi va Chukotkada ochildi. Bir soatdan so‘ng ovoz berish Magadan viloyatida, Saxalin va Kuril orollarida, so‘ngra Primorsk va Xabarovsk o‘lkalarida, shuningdek, Yahudiy avtonom viloyatida boshlandi.Saylovlar uch kun – 18-20 sentabr kunlari bo‘lib o‘tadi.Federal saylov okrugi bo‘yicha Davlat dumasining to‘qqizinchi chaqiriq deputatlari saylovida o‘nta partiya ishtirok etmoqda: “Yedinaya Rossiya” ("Yagona Rossiya"), Rossiya Liberal-demokratik partiyasi (LDPR), To‘g‘ridan-to‘g‘ri demokratiya partiyasi, “Zelonie” (“Yashillar”), “Spravedlivaya Rossiya” (“Adolatli Rossiya”), “Rodina” (“Vatan”), Rossiya Kommunistlar partiyasi (KPRF), Pensionerlar partiyasi, "Rossiya kommunistlari" va “Novie lyudi” ("Yangi odamlar”).Ovoz berish natijalariga ko‘ra, to‘qqizinchi chaqiriq Davlat dumasi - besh yillik muddatga saylanadigan 450 nafar deputat shakllantiriladi. Tarkibning yarmi, ya’ni 225 nafar deputat partiya ro‘yxatlari bo‘yicha federal okrugdan, yana 225 nafari bir mandatli saylov okruglaridan saylanadi.Rossiyaning yangi hududlarida (DXR, LXR, Zaporojye va Xerson viloyatlari) va murakkab tezkor vaziyat yuzaga kelgan sakkizta mintaqada ovoz berishni tashkil etishda maxsus yondashuvlar ko‘zda tutilgan. Xorijdagi rossiyaliklar esa federal saylov okrugi bo‘yicha Davlat dumasi deputatlari saylovida ishtirok etishlari mumkin bo‘ladi. Xorijda jami 152 ta davlatda 333 ta saylov uchastkasi faoliyat ko‘rsatadi. O‘zbekistonda ham 4 ta saylov uchastkasi ochiladi: Toshkent, Samarqand, va Farg‘onada.

https://oz.sputniknews.uz/20260917/putin-saylov-rossiyaliklar-murojaat-60495854.html

2026

Yangiliklar

uz_UZ

dunyoda, dunyo yangiliklari, rossiya, saylovlar, rossiya davlat dumasi