https://oz.sputniknews.uz/20260819/daryo-kanal-mikro-geslar-59810278.html
O‘zbekiston daryo va kanallarida mikro GESlar uchun yangi joylar aniqlanadi
O‘zbekiston daryo va kanallarida mikro GESlar uchun yangi joylar aniqlanadi
Sputnik O‘zbekiston
O‘zbekistonda kichik va mikro GESlar qurish soddalashtiriladi, daryo va kanallarda yangi loyihalar uchun joylar aniqlanadi. 2030-yilda ular 350 ming xonadonga yetarli elektr ishlab chiqarishi kutilmoqda.
2026-08-19T17:55+0500
2026-08-19T17:55+0500
2026-08-19T18:07+0500
“o‘zbekgidroenergo” aj
shavkat mirziyoyev
energetika
elektr energiyasi
yashil energiya
jamiyat
ges
ges qurilishi
https://cdn1.img.sputniknews.uz/img/734/60/7346056_0:0:1001:563_1920x0_80_0_0_6e6ec8208e8f8165d4a188e334938ed2.jpg
TOShKENT, 19 avg — Sputnik. O‘zbekistonda daryo va kanallarda kichik va mikro GESlar qurish mumkin bo‘lgan yangi joylar aniqlanadi. Bu haqda prezident Shavkat Mirziyoyev kichik va mikro GESlar tarmog‘ini rivojlantirish chora-tadbirlari taqdimoti bilan tanishishi chog‘ida ma’lum qilindi.Mamlakatda daryo va kanallar tarmog‘ining umumiy uzunligi 173 ming kilometrdan ziyod. Mutasaddilarga, ayniqsa betonlashtirilgan kanallarni to‘liq xatlovdan o‘tkazib, kichik va mikro GESlar qurish uchun qo‘shimcha loyihalar zaxirasini aniqlash topshirildi.O‘tgan yili xususiy sektor ishtirokida jami 164 MVt quvvatli qariyb 3 mingta GES qurish belgilangan edi.Jahon banki ishtirokida ajratilgan 150 mln dollarlik imtiyozli resurslardan foydalanish ham sust ketayotgani qayd etildi.Loyihalarni jadallashtirish uchun mikro GESlar bo‘yicha auksion shartlarini o‘zgartirish taklif qilindi. Xususan, loyihaning boshlang‘ich narxi bilan birga elektr energiyasini xarid qilish tarifining eng quyi chegarasini belgilash va tariflarni stansiya quvvatiga qarab tabaqalashtirish ko‘zda tutilmoqda.Shu bilan birga:Loyiha uchun joy tanlashdan tortib uni ishga tushirish va ekspluatatsiya qilishgacha bo‘lgan jarayonlarni qamrab oluvchi raqamli platforma ham joriy etiladi.Yana bir muammo — uskunalar importi. Hozir mikro GESlar uchun zarur gidroagregat va butlovchi qismlarning 90 foizi chetdan keltiriladi.2030 yilgacha kichik va mikro GESlar quvvatini 204,8 MVtga, yillik elektr ishlab chiqarishni esa 620 mln kVt soatga yetkazish rejalashtirilgan. Bu 350 mingta xonadonni "yashil" energiya bilan ta’minlash imkonini beradi.Soha uchun kadrlar tayyorlashda dual ta’lim tizimi joriy etilib, energetika korxonalari talabalar uchun amaliyot bazasi sifatida belgilanadi.
https://oz.sputniknews.uz/20260429/uzbekistan-gidroenergetika-loyiha-57231987.html
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
“o‘zbekgidroenergo” aj , shavkat mirziyoyev, energetika, elektr energiyasi, yashil energiya, jamiyat, ges, ges qurilishi
“o‘zbekgidroenergo” aj , shavkat mirziyoyev, energetika, elektr energiyasi, yashil energiya, jamiyat, ges, ges qurilishi
O‘zbekiston daryo va kanallarida mikro GESlar uchun yangi joylar aniqlanadi
17:55 19.08.2026 (yangilandi: 18:07 19.08.2026) Daryo va kanallar xatlovdan o‘tkazilib, mikro GESlar uchun yangi nuqtalar aniqlanadi. Ayrim stansiyalarni qurish tartibi ham soddalashtiriladi.
TOShKENT, 19 avg — Sputnik. O‘zbekistonda daryo va kanallarda kichik va mikro GESlar qurish mumkin bo‘lgan yangi joylar aniqlanadi. Bu haqda prezident Shavkat Mirziyoyev kichik va mikro GESlar tarmog‘ini rivojlantirish chora-tadbirlari taqdimoti bilan tanishishi chog‘ida
ma’lum qilindi.
Mamlakatda daryo va kanallar tarmog‘ining umumiy uzunligi 173 ming kilometrdan ziyod. Mutasaddilarga, ayniqsa betonlashtirilgan kanallarni to‘liq xatlovdan o‘tkazib, kichik va mikro GESlar qurish uchun qo‘shimcha loyihalar zaxirasini aniqlash topshirildi.
O‘tgan yili xususiy sektor ishtirokida jami 164 MVt quvvatli qariyb 3 mingta GES qurish belgilangan edi.
Hozirgacha 64 ta loyiha ishga tushirilib, ularning quvvati 41,6 MVtga yetdi. Bu rejalashtirilgan quvvatning atigi to‘rtdan bir qismi. Qariyb 3 ming loyihadan 932 tasiga tashabbuskor topilgan.
Jahon banki ishtirokida ajratilgan 150 mln dollarlik imtiyozli resurslardan foydalanish ham sust ketayotgani qayd etildi.
Loyihalarni jadallashtirish uchun mikro GESlar bo‘yicha auksion shartlarini o‘zgartirish taklif qilindi. Xususan, loyihaning boshlang‘ich narxi bilan birga elektr energiyasini xarid qilish tarifining eng quyi chegarasini belgilash va tariflarni stansiya quvvatiga qarab tabaqalashtirish ko‘zda tutilmoqda.
100 kVtgacha mikro GESlarni loyihalash va qurish soddalashtiriladi;
50 kVtgacha loyihalar shaharsozlik ekspertizasi va davlat arxitektura-qurilish nazoratidan ozod etiladi;
qo‘shimcha suv bosimi hosil qilish uchun kanal, daryo va o‘zanlar konstruksiyasini o‘zgartirishga ruxsat beriladi;
suv xo‘jaligi obyektlarida o‘z ehtiyoji uchun kichik va mikro GESlarni auksionsiz qurish mumkin bo‘ladi.
Loyiha uchun joy tanlashdan tortib uni ishga tushirish va ekspluatatsiya qilishgacha bo‘lgan jarayonlarni qamrab oluvchi raqamli platforma ham joriy etiladi.
Yana bir muammo — uskunalar importi. Hozir mikro GESlar uchun zarur gidroagregat va butlovchi qismlarning 90 foizi chetdan keltiriladi.
Shu bois ularning bir qismini mahalliylashtirish, ya’ni O‘zbekistonda ishlab chiqarish bo‘yicha tadbirkor va investorlarga takliflar tayyorlanadi.
2030 yilgacha kichik va mikro GESlar quvvatini 204,8 MVtga, yillik elektr ishlab chiqarishni esa 620 mln kVt soatga yetkazish rejalashtirilgan. Bu 350 mingta xonadonni "yashil" energiya bilan ta’minlash imkonini beradi.
Soha uchun kadrlar tayyorlashda dual ta’lim tizimi joriy etilib, energetika korxonalari talabalar uchun amaliyot bazasi sifatida belgilanadi.
