Prezident madaniyat va san’at vakillariga davlat mukofotlarini topshirdi

© Press-slujba prezidenta UzbekistanaPrezident vruchil gosudarstvennie nagradi predstavitelyam kulturi i iskusstva
Prezident vruchil gosudarstvennie nagradi predstavitelyam kulturi i iskusstva - Sputnik O‘zbekiston, 1920, 01.06.2026
Obuna bo‘lish
Shavkat Mirziyoyev madaniyat, san’at va adabiyot sohasining 167 nafar vakili davlat mukofotlari bilan taqdirlanganini ta’kidladi.
TOShKENT, 1-iyun — Sputnik. Toshkentda madaniyat, san’at va adabiyot sohalari xodimlariga davlat mukofotlarini topshirish marosimi bo‘lib o‘tdi. Prezident Shavkat Mirziyoyev mukofot sohiblariga faxriy unvonlar, orden va medallarni topshirdi.
Mukofotlar milliy madaniyat va ma’naviyatni yuksaltirish, san’at va adabiyotni rivojlantirish hamda boy merosni asrab-avaylashga qo‘shgan hissa uchun prezidentning 28-maydagi farmoni bilan berilgan edi. Jami 167 nafar soha vakili taqdirlandi.
Ular orasida yozuvchi va shoirlar, xonanda va sozandalar, raqs ustalari, opera ijrochilari, bastakorlar, teatr, kino va sirk san’ati namoyandalari, baxshilar, askiyachilar, hunarmandlar, rassomlar, muzey va kutubxona xodimlari, ustoz-murabbiylar bor.
Mukofotlanganlar orasida Erkin Kamilov, Yodgor Sa’diyev, Zulfiqor Musoqov, Xurshid Rasulov, Munisa Rizayeva kabi taniqli ijodkorlar ham bor.
Shuningdek, bugun oramizda bo‘lmasa-da, ijodi va hayoti bilan xalq xotirasida qolgan 24 nafar adabiyot, madaniyat va san’at darg‘asi vafotidan so‘ng taqdirlandi. Ular qatorida Shuhrat Abbosov, Odil Yoqubov, O‘tkir Hoshimov, Obidjon Yunusov, Zaynab Sadriyeva va Hamza Umarov kabi san’at va adabiyot namoyandalari bor.
Mukofotlanganlarning to‘liq ro‘yxati bilan prezident farmonida tanishish mumkin.
Shavkat Mirziyoyev podpisivayet dokumenti. - Sputnik O‘zbekiston, 1920, 28.05.2026
Prezident bir guruh madaniyat va san’at xodimlarini mukofotladi
Yangiliklar lentasi
0