O‘zbekistonda har payshanba “jismoniy tarbiya va sport kuni” sifatida belgilanadi
© AP Photo / Aaron Favila
Obuna bo‘lish
Taklifga ko‘ra, haftaning har payshanba kuni “jismoniy tarbiya va sport kuni” sifatida belgilanadi. Jalb qilingan yoshlar soni hamda erishilgan natijalarga qarab, sport maktablari xodimlariga ustama beriladi.
TOShKENT, 22 noya — Sputnik. Prezident Shavkat Mirziyoyev 21-noyabr kuni yoshlarni sportga keng jalb etishga oid takliflar taqdimoti bilan tanishdi. Bu haqda prezident matbuot xizmati xabar berdi.
“O‘zbekiston – 2030” strategiyasi hamda Yoshlar va biznesni qo‘llab-quvvatlash yili bo‘yicha davlat dasturi doirasida navqiron avlodga keng imkoniyatlar yaratilmoqda. Davlat dasturida jamoaviy sport turlarini yanada rivojlantirish va ommalashtirish vazifasi belgilangan. Shunga muvofiq, qator chora-tadbirlar ishlab chiqilgan.
Prezident Shavkat Mirziyoyev oznakomilsya s prezentatsiyey predlojeniy po shirokomu vovlecheniyu molodeji v sport
© Press-slujba prezidenta Uzbekistana
Masalan, jamoaviy sport turlari bo‘yicha “Mahalla ligasi” va “Maktab ligasi” musobaqalarini yo‘lga qo‘yish taklif etilmoqda. Davlat oliy ta’lim muassasalarida sport klublari tashkil qilish, ular o‘rtasida “Talabalar ligasi”, “Vazir kubogi” va “Rektor kubogi” kabi musobaqalar o‘tkazib borish ko‘zda tutilmoqda.
Jamoaviy sport turlari bo‘yicha milliy ligalar qo‘llab-quvvatlanadi.
Mahalliy hokimliklar huzurida hududiy sport klublari tuziladi.
“ERP Sport” elektron tizimida iqtidorli yoshlarni aniqlash, tanlash va seleksiya qilish joriy etiladi.
Prezident Shavkat Mirziyoyev oznakomilsya s prezentatsiyey predlojeniy po shirokomu vovlecheniyu molodeji v sport
© Press-slujba prezidenta Uzbekistana
Yoshlarning sport bilan muntazam shug‘ullanishi uchun qo‘shimcha shart-sharoitlar yaratish masalalariga ham e’tibor qaratildi.
Taklifga ko‘ra, haftaning har payshanba kuni “jismoniy tarbiya va sport kuni” sifatida belgilanadi. Jalb qilingan yoshlar soni hamda erishilgan natijalarga qarab, sport maktablari xodimlariga ustama beriladi. Shuningdek, infratuzilmadan kelib chiqib, muassasalar muayan sport turlariga ixtisoslashtirib boriladi.
Prezident Shavkat Mirziyoyev oznakomilsya s prezentatsiyey predlojeniy po shirokomu vovlecheniyu molodeji v sport
© Press-slujba prezidenta Uzbekistana
Tizim maktablarida ommaviy sport bo‘yicha trener-seleksioner lavozimi joriy etilib, ularga beshtagacha mahalla va ta’lim muassasalari biriktiriladi. Mahallalarda to‘garaklar tashkil etgan trenerlar qo‘shimcha rag‘batlantiriladi.
Prezident sport sohasi yoshlarga oid davlat siyosatining katta yo‘nalishi ekanini ta’kidlab, joylarda bu boradagi qulayliklarni kengaytirish, yosh avlodni har tomonlama yetuk etib tarbiyalash bo‘yicha fikrlarini bildirdi.
