Xalq diplomatiyasi umuminsoniy muammolarni hal qilishga xizmat qiladi - Narbayeva

© Press-slujba Senata Oliy MajlisaPredsedatel Senata Oliy Majlisa Tanzila Narbayeva
Predsedatel Senata Oliy Majlisa Tanzila Narbayeva - Sputnik O‘zbekiston, 1920, 11.05.2022
Obuna bo‘lish
Xalq diplomatiyasi - odamlar orasida o‘zaro ishonch va hamjihatlikni mustahkamlash orqali, umumiy muammolarni hal etishning samarali vositasi - Tanzila Narbayeva.
TOShKENT, 11-may — Sputnik. Xalq diplomatiyasi forumi Shanxay Hamkorlik Tashkiloti doirasidagi ezgu maqsad va vazifalarni amalga oshirish uchun noyob imkoniyatdir, deydi forumda ishtirok etayotgan Oliy Majlis Senati raisi Tanzila Narbayeva.
“Xalqaro terrorizm, radikalizm, ksenofobiya va irqchilik, xalqaro tizimning yetakchi ishtirokchilari o‘rtasidagi ishonch inqirozining keskinlashuvi global miqyosda kelishilgan harakatlarni hamda mintaqaviy miqyosda birgalikda samarali chora-tadbirlar va javob choralarini ko‘rishni talab qiladi”, - dedi Narbayeva.
Senat raisining so‘zlariga ko‘ra, dunyo duch kelayotgan ushbu va boshqa umumiy muammolar davlatlar bir-biri bilan qanchalik chambarchas bog‘langanligini ko‘rsatadi.
“Zamonaviy dunyo globallashuvning qarama-qarshi tendensiyalari ta’sirida o‘zgarib borayotgani, barqaror va inklyuziv rivojlanish yo‘lida yangi chaqiriq va tahdidlar paydo bo‘layotganiga barchamiz guvohmiz”, - dedi Narbayeva.
Senat rahbari bugungi kunda xalq diplomatiyasi har qachongidan ham talabchan bo‘lib, murakkab xalqaro vaziyat fonida u odamlar o‘rtasida o‘zaro ishonch va hamjihatlikni mustahkamlash orqali umumiy muammolarni hal etishda samarali vosita bo‘lib xizmat qilayotganini ta’kidladi.
Eslatib o‘tamiz, Toshkentda O‘zbekistonning Shanxay hamkorlik tashkilotidagi raisligi doirasida “Xalq diplomatiyasi – taraqqiyot uchun o‘zaro anglashuv” mavzusida ShHT Xalq diplomatiyasi forumi o‘z ishini boshladi.
Tadbirda xalqaro tashkilotlar, ShHTga a’zo mamlakatlar parlamentlari, nodavlat tuzilmalar va ilmiy-tahlil markazlari rahbarlari va vakillari ishtirok etmoqda.
Ma’lumot uchun, Shanxay hamkorlik tashkiloti - mintaqaviy xalqaro tashkilot bo‘lib, uning tarkibiga Rossiya, Xitoy, Qozog‘iston, Qirg‘iziston, Tojikiston va O‘zbekiston kiradi.
2001 yilda olti mamlakat rahbarlarii Shanxay xamkorlik tashkilotini tuzish haqida Deklaratsiya imzolashdi. Tashkilotning maqsadi - Markaziy Osiyodagi vaziyatni barqarorlashtirish, davlatlar o‘rtasidagi do‘stlik va qo‘shnichilik aloqalarini mustahkamlash, shuningdek siyosiy, iqtisodiy, ilmiy, gumanitar va boshqa sohalarda hamkorlikni rivojlantirish, deb belgilandi.
Yangiliklar lentasi
0